DURANGON HOTZA DELA ETA

Atzera ere klimatizazio arazoekin zeundetela asteartean esan zenigutenez geroztik, ahaleginak eta bi egin ditugu Justizia Administrazioko Zuzendaritzako arduradunen batek azalpenak eman diezazkigun zergatik ez duten kontu hau konpondu, agindutakoa gora behera.

Oraingoz, daukagun erantzun bakarra prebentzio teknikari batena da; hor dio agian 2015ean zehar klimatizazio sistema ordezka daitekeela. (Alboko testua)

Pasa den astean LABek bidali zuen informazio orrian, lan osasunaren inguruan 2014-10-12an egin genuen bilera dela eta, Patologia Zerbitzua besterik ez genuen aipatzen eta Laborategiaz hitz ez.

Laborategiko langileek ohartarazi digute ahazte edo errore ohikoa izaten dela sindikatuen informazioetan eta askotan ahaztuta edo bigarren planoan sentitzen direla AMEEko beste langileen ondoan.

2014-11-12 - LAN OSASUNEKO  BILERA

Negoziazio kolektiboko batzarren moduan, Justizia Administrazioko Segurtasun eta Osasun bilerek ere ondokorako balio dute gehien bat: gu sumintzeko eta enegarrenez egiaztatzeko administrazioak ez duela lotsarik nahi beste lege urratzeko.

Hainbat aldiz eskatu eta gero, LABek Lan Ikuskaritzan egindako salaketaren ondorioz, zamak garraiatzea gaitzat hartuta ikastaro batzuk antolatu dituzte, behingoz.

Ondoan eta atxikirik bidaltzen dizkizuegu Prebentzio Zerbitzuak igorritakoak.

Oso aproposa da batez ere laguntzaileek parte hartzea, horiexek baitira oro har zeregin horretaz arduratzen direnak.